| [原创]原来，爱可以咁简单…… |
| 作者/欢少～ 时间/2006-6-14 16:59:00 类别/真情故事 查看/ |
 发表评论 以论坛方式查看 |
| 标签：原创！！ |
|
我奋力追，追到没法追，追到没法分清我是谁…… 我话我已经唔中意你啦，我地分手啦…… 你睇下你吖，我同佐你咁耐，你依然系咁嘅样，你有无进步过吖？你一D上进心都无吖， 如果我真系要同你一生一世，你俾倒D乜野我？ 你，离开我。冇错，你的而且确离开左我……好长一段时间里面，我仲好天真咁谂，其实你系考验紧我嘅爱，其实你仲对我存有希望。但当我终于发现所有野都唔系我想象中咁样果时，我迷惘了，我恐惧了，我明白到，我错了。因为我嘅错觉，因为我嘅自我，我地分开左，甚至到依家连朋友都冇得做。 仲好清楚咁记得，一年前，响你生日之前，你第一次同我提出过分手，以一种好客气嘅态度同我讲要分手，我第一次陷入恐惧，为左维系依段感情我想方设法凼你，仲同你讲，如果真系要分手，咁到你生日果日就作为生日礼物向我提出啦。好幸运，2005年6月29号，我逃过一劫，我亦简单咁认为问题已经完美解决左，之后我地都发生过好多次争执，但谂翻第一次嘅胜利，我就好有信心可以凼翻你，事实上亦系如此，一次次嘅矛盾表面睇黎都一一化解左。或者系咁嘅原因，无形中我觉得自己可以主宰依段感情，我主观咁相信，只要我好好爱你，我地就可以幸福，就可以长久。 其实，爱一个人，原来真系可以好单纯，好简单！经历依段感情之后我终于发现，拥有左同埋失，完全系两个唔同嘅世界。深深咁去爱，原来系幸福皆痛苦嘅事，或者只有爱过、痛过、恨过，先可以彻底去体验果种特别嘅感觉。 因为爱，我放唔低曾经拥有嘅幸福，因为爱，我可以放弃尊严，因为爱，我亦可以苦等个几钟，只为见你一面……其实你又有冇谂过我感受，一个大男人，做咁多野究竟为乜？唔通真系咁无聊去报复你吖？要报复都唔使谂咁蠢嘅方法啦！你当然亦唔会知道，“等”需要嘅毅力，你估真系可以一击即中咩？你又知唔知一次次扑空嘅滋味系点？人人都怕难怕倦怕扑空，全球得我未死心没有放松……但点解，超级偶像（奇洛李维斯）也可以动容，偏偏你就无动于衷呢？！ 逐渐明白，爱情，真系需要面包。开头果时，我仲读书，冇乜经济基础，但我地依然可以慢慢发展，我亦好幸运比较顺利揾倒工，所以某段时期，我骄傲，我自满，亦对你讲过D野唔够重视。当我慢慢明白安全感对一个女仔黎讲有几重要嘅时候，当我了解钱系几重要嘅时候，已经太迟啦。时间一直都冇等我，而你，都忘记左带我走…… 再坚强嘅男人，膀头上可以承受嘅压力始终都系有限，对我依个小女人性格嘅男仔黎讲同样唔例外。今次，真系唔逼你拍拖啦，我冇本事达到你要求，但两个曾经相爱嘅人，真系冇必要搞到面阻阻啦？见亲都要避我，我真系咁讨厌咩？起码嘅尊严你都唔可以俾翻我咩？ Shall We Talk，Shall We Talk？真系好希望大家可以沟通，依家嘅我，已经成熟左啦。 今日系你农历生日，唔知你身边有冇人会记得，但我，无论去到边，无论发生咩事，无论几耐，我都会记得曾经爱过嘅你，“谢谢你曾让我这样的爱过你”。Eiki，生日快乐！ Waiting For You～ |
| 查看该用户更多文章>> |