| [原创]Forever love～ |
| 作者/欢少～ 时间/2006-8-19 18:46:00 类别/真情故事 查看/ |
 发表评论 以论坛方式查看 |
| 标签：情感 |
|
“每个人都只能陪你一段路，只系或长，或短……”，近期有个朋友同我分享佐依句简单但一针见血嘅说话，道理好简单，但点解好多人（当然包括我自己），係都要去执着，係都要去追求可能已经唔属于自己嘅嘢呢？ 话咁快又到佐8.19，每年今日我会都响地球一个角落去祝福自己最中意嘅Sammi，今年佢34岁啦，已经唔再係当年呼风唤雨嘅天后，甚至连上镜嘅机会都极为之少，但係，佢依然系Sammi，所有嘅一切都唔会令佢曾经嘅辉煌失色，纵使係时间，依个最无情嘅使者亦唔会例外。《长恨歌》，或者就係Sammi从天堂落翻凡间嘅见证，戏剧性嘅係，依出戏亦见证佐我同你嘅转折点——依出戏係我同你分手前睇嘅最后一出戏。一年前嘅今日，我哋仲好恩爱咁盼待我哋嘅BB（3230）出世，但一年后，甚至係以后每一年嘅8.20，我谂我都会怀住好复杂嘅心情缅怀依段令我刻骨铭心嘅记忆。 “人之所以会有烦恼，係因为记性太好”，再一次得到验证，我都唔知点解自己对你可以咁自私，可以记低晒好多好多关于我哋嘅故事。或者，所有嘅一切对你嚟讲已经无关痛痒，但你知唔知，所有嘅一切仍然刺痛我，好深好深，有时甚至变本加厉，痛到我难以呼吸，果种超级无助嘅感觉或者你永远唔会明白…… Joey只旧歌《心淡》我已经摆响手机度半年几啦，成日听，但原来居然係呃人嘎！“春天分手秋天会习惯”、“由这一分钟开始计起春风秋雨间，限我对你以半年时间慢慢的心淡”，真係可以咩？半年唔见你，半年唔复我信息，半年听唔到你把声，咁就可以心淡了咩？爱情，对于某D人嚟讲係沙堡垒，但对于少部分人嚟讲，重要过好多嘢，甚至超出佐自己嘅极限，好不幸，我就属于依类人。 近期听讲一个朋友同佢BF分佐手，其实依D嘢每时每刻都会发生，但佢哋已经好多年啦（好似七年），BF有钱，对佢又好体贴，两个人几乎日日见面，男人成日接女人收工，女人亦明白自己好幸福，但都係坚持要分手，因为女人觉得好攰，就係一个咁简单嘅理由，令一切化为乌有。女人，真係好不可思议！而你，何尝吾係一样，因为自己嘅感觉，甚至係错觉，就令一段苦心经营嘅感情变成一出悲剧，你舍得咩？你忍心咩？ 我嘅世界，每一日都变成佐回忆，变成佐纪念，变成佐习惯，想你，想你，仲係好挂住你！原来时间一直都无等我，係你，忘记佐带我走！爱，究竟係廉价定係无价？或者终有一日你会明白依份爱嘅价值，係虚荣、钱、诱惑都换唔倒嘎！ Forever love，forever love，我只想用我这一辈子去爱你……有时觉得自己真係一个另类，响依个咁现实嘅社会居然仲可以咁去爱一个人，死性不改！Forever love～ |
| 查看该用户更多文章>> |